پلانی ڕیاڵ مه‌درید بۆ‌ گواستنه‌وه‌کانی هاوینه ئاشکرا بوو:‌ چوار له‌ نۆ ناوی گه‌وره‌ !

پلانی ڕیاڵ مه‌درید بۆ‌ گواستنه‌وه‌کانی هاوینه ئاشکرا بوو:‌ چوار له‌ نۆ ناوی گه‌وره‌ !

پلانی ڕیاڵ مه‌درید بۆ‌ گواستنه‌وه‌کانی هاوینه ئاشکرا بوو:‌ چوار له‌ نۆ ناوی گه‌وره‌ !

خه‌ڵک
سه‌رۆکایه‌تی یانه‌ی ڕیاڵ مه‌درید بڕیاریداوه‌ نوێکاری له‌پێکهاته‌ی یانه‌که‌دا بکات و بۆ گواستنه‌وه‌کانی هاوینه‌ نۆ ناوی گه‌وره‌یان خستۆته‌ به‌رده‌م زینه‌دین زێدان.

ڕۆژنامه‌ی "مارکا" له‌ڕاپۆرتێکدا ورده‌کاری گواستنه‌وه‌کانی هاوینه‌ی ڕیاڵ مه‌دریدی ئاشکرا کردووه‌ و نوسیویه‌تی: ئیداره‌ی شاهانه‌ له‌چه‌ند پێگه‌یه‌کدا نوێکاری ده‌کات و جگه‌ له‌ فرۆشتنی هه‌ندێک له‌یاریزانان چه‌ندین یاریزان ده‌گوێزێته‌وه‌ بۆ ڕیزه‌کانی.


به‌پێی زانیارییه‌ به‌ده‌ست هاتووه‌کان، پێریز و هاوه‌ڵانی هه‌وڵی چه‌ند گواستنه‌وه‌یه‌‌ک ده‌ده‌ن له‌پێگه‌کانی گۆڵپارێز، به‌رگری، هێرشبه‌ر و ئه‌و ناوانه‌ش که‌ ده‌ستنیشان کراون بریتین له‌: ئالیسۆن بیکه‌ری گۆڵپارێزی یانه‌ی ڕۆما، ئه‌لڤارۆ ئۆدریزۆلای به‌رگریکاری باڵی ڕاستی ڕیاڵ سۆسیداد که‌ له‌توانایدایه‌ ململانێی کارڤاخال بکات، خوسێ ماریا خیمینێز دڵی به‌رگری ئه‌تله‌تیکۆ مه‌درید که‌ نرخی شکاندنی بۆنده‌که‌ی ٦٥ ملیۆن یورۆیه،‌ له‌حاڵی شکستهێنان له‌گواستنه‌وه‌ی ئه‌م یاریزانه‌دا به‌دیله‌کانی بریتی ده‌بن‌ له ‌سکرینیاری به‌رگریکاری ئینته‌رمیلان و ڕۆمانیۆلی به‌رگریکاری یانه‌ی ئه‌ی سی میلان.


له‌هێڵی ناوه‌ند هیچ گۆڕانکاری و نوێکردنه‌وه‌یه‌ک ئه‌نجام نادرێت، کۆتا هه‌وڵه‌کان بۆ دابینکردنی هێرشبه‌رێک ده‌بێت بۆ شوێنگرتنه‌وه‌ی گاریس به‌یل (واتا گاریس به‌یل ده‌ڕوات)، ناوی گه‌وره‌ و سه‌ره‌کی که‌ ده‌ستنیشان کراوه‌ نایمار دا سیلڤای به‌رازیلی ئه‌ستێره‌ی یانه‌ی پاریس سانت جێرمانه‌، ئه‌گه‌ر ئه‌و گواستنه‌وه‌یه‌ش سه‌رکه‌وتو نه‌بێت به‌دیله‌کان بریتین له‌: موحه‌مه‌د سه‌ڵاح (لیڤه‌رپوڵ)، پاولۆ دیبالا (یوڤانتۆس)، ئیدین هازارد (چێڵسی)، ئه‌گه‌ره‌کانیش به‌و ئاڕاسته‌یه‌ن ماریانۆ دیاز له‌ لیۆنه‌وه‌ دووباره‌ بگه‌ڕێنرێته‌وه‌ به‌ره‌و مه‌درید.


30/05/2018
2911 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved