ئینته‌رمیلان به‌ مه‌رجی (نۆ به‌ نۆ) ده‌ستبه‌رداری ئیکاردی ده‌بێت بۆ یوڤانتۆس

ئینته‌رمیلان به‌ مه‌رجی (نۆ به‌ نۆ) ده‌ستبه‌رداری ئیکاردی ده‌بێت بۆ یوڤانتۆس

ئینته‌رمیلان به‌ مه‌رجی (نۆ به‌ نۆ) ده‌ستبه‌رداری ئیکاردی ده‌بێت بۆ یوڤانتۆس

خه‌ڵک
ئیداره‌ی یانه‌ی ئینته‌رمیلان له‌وه‌ڵامی داواکاریه‌کی یانه‌ی یوڤانتۆسدا ئاماده‌ییان نیشانداوه‌ ده‌ستبه‌رداری ماورۆ ئیکاردی بن، به‌ڵام مه‌رجێکی گه‌وره‌یان خستۆته‌ سه‌ر مێزی گفتوگۆکان و مه‌رجه‌که‌ش نزیکه‌ له‌ جێبه‌جێکردنه‌وه‌.

ڕۆژنامه‌ی "کۆرێری دێلا سێرا"ی ئیتاڵی له‌زاری سه‌رچاوه‌کانیه‌وه‌ ئاشکرای کردووه‌، له‌ماوه‌ی چه‌ند هه‌فته‌ی ڕابردودا جموجۆڵێکی کتوپڕ له‌ئیداره‌ی یانه‌ی یوڤانتۆسه‌وه‌ به‌ ئاڕاسته‌ی ماورۆ ئیکاردی ده‌ستی پێکردووه‌، له‌به‌رامبه‌ردا ئیداره‌ی ماره‌ شینه‌کانی میلان "ئینته‌ر" لارییان له‌ گواستنه‌وه‌که‌ نه‌بووه‌ به‌و مه‌رجه‌ی ئه‌وانیش له‌به‌رامبه‌ردا گۆنزالۆ هیواگین و بڕێک پاره‌ پێشکه‌ش بکه‌ن.

به‌پێی سه‌رچاوه‌که‌، سه‌ره‌تا "نێراتزۆری" بۆ دوورخستنه‌وه‌ی یوڤی و مه‌ترسی له‌ده‌ستدانی ئیکاردی ئه‌و داوایه‌ی خستۆته‌ به‌رده‌م به‌رپرسانی "بیانکۆنێری" ، به‌ڵام به‌شێوه‌یه‌کی کتوپڕ و چاوه‌ڕوان نه‌کراو یانه‌ زه‌به‌لاحه‌که‌ی شاری تۆرینۆ که‌یسه‌که‌ی خستۆته‌ به‌رباس، واتا داواکاریه‌که‌یان ڕه‌ت نه‌کردۆته‌وه‌ و حاڵی حازر بیر له‌وه‌ ده‌که‌نه‌وه‌ گواستنه‌وه‌که‌ به‌شێوه‌ی ئاڵوگۆڕ ئه‌نجام بدرێت.


له‌ ئاڵوگۆڕه‌که‌دا یوڤی ده‌بێته‌ خاوه‌نی ئیکاردی (ژماره‌ ٩) و ئینته‌ریش هیگواین (ژماره‌ ٩) و بڕی ٥٠ ملیۆن یورۆ به‌ده‌ست ده‌هێنێت، که‌ نرخی کۆتایی (١١٠) ملیۆن یورۆ ده‌کات و به‌ نرخی شکاندنی بۆندی ئیکاردی مه‌زه‌نده‌ ده‌کرێت.

ئیکاردی له‌م وه‌رزه‌دا له‌کۆی ٣٤ ڕووبه‌ڕوبونه‌وه‌دا ٢٩ گۆڵی تۆمار کردووه‌ و لوتکه‌ی گۆڵکارانی خولی ئیتاڵیای گرتووه‌.


29/05/2018
2145 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved