ئیندا: کاپتنه‌کانی ڕیاڵ مه‌درید له‌ژووری خۆگۆڕینه‌کان به‌ کریستیانۆدا ته‌قیونه‌ته‌وه‌

ئیندا: کاپتنه‌کانی ڕیاڵ مه‌درید له‌ژووری خۆگۆڕینه‌کان به‌ کریستیانۆدا ته‌قیونه‌ته‌وه‌

ئیندا: کاپتنه‌کانی ڕیاڵ مه‌درید له‌ژووری خۆگۆڕینه‌کان به‌ کریستیانۆدا ته‌قیونه‌ته‌وه‌

خه‌ڵک
ڕۆژنامه‌نوسێکی ناوداری ئیسپانیا نهێنی ژووری خۆگۆڕینه‌کانی یانه‌ی ڕیاڵ مه‌درید ئاشکرا ده‌کات، دوای ئه‌وه‌ی کریستیانۆ له‌دوای به‌ده‌ستهێنانی نازناوی خولی یانه‌ پاڵه‌وانه‌کان ڕایگه‌یاندووه،‌ که‌ نازانێت داهاتوی به‌ره‌و کوێ ده‌چێت.

ئیدواردۆ ئیندا سه‌رنوسه‌ری ماڵپه‌ڕی "ئۆکه‌ی دیاریۆ" له‌به‌رنامه‌ی "ئیڵ شیرینگیتۆ"ی که‌ناڵی مێگا، ڕایگه‌یاند :" لێدوانه‌کانی کریستیانۆ دوای به‌ده‌ستهێنانی نازناوی چامپیۆنز لیگ ژووری خۆگۆڕینه‌کانی توڕه‌ کرد، یاریزانان هه‌موو توڕه‌بوون که‌ له‌و کاته‌ هه‌ستیاره‌دا یاریزانێک به‌وشێوه‌ بۆ میدیاکان ده‌ده‌وێت، بۆیه‌ کاپتنه‌کانی شاهانه‌ به‌شێوه‌یه‌کی ژیرانه‌ سه‌رزه‌نشتی کریستیانۆیان کردووه".

ڕۆژنامه‌نوسه‌که‌ نهێنی زیاتری ئاشکرا کردووه‌ و ڕایگه‌یاندووه‌ :" کاپتنه‌کانی ڕیاڵ به‌توڕه‌ییه‌وه‌ پێیان وتووه‌ که‌ هیچ یاریزانێک له‌سه‌رو یانه‌وه‌ نییه‌، ئه‌گه‌ر که‌سێک بڕیاریدابێت بڕوات یاخود کێشه‌ی ئیداریی هه‌بێت ئه‌و کێشه‌یه‌ له‌ژووری خۆگۆڕینه‌کان باس بکرێت و هه‌ر له‌وێش بمێنێته‌وه‌، نه‌ک به‌ ئاشکرا له‌به‌رده‌م ملیۆنان هانده‌ر و سه‌دان میدیاکاری جیهانیدا باس بکرێت".


دوابه‌دوای ئه‌م ڕووداوانه‌ کریستیانۆ چه‌ند جارێک له‌ ئاهه‌نگه‌کانی چامپیۆنزلیگدا ئاشکرای کرد، که‌ په‌شیمانه‌ له‌لێدوانه‌کانی و شاره‌زایانیش پێیان وایه‌ مه‌به‌ست له‌ لێدوانه‌کانی ته‌نها نوێکردنه‌وه‌ی بۆنده‌که‌یه‌تی به‌ موچه‌ و ئیمتیازاتی نوێوه‌ و سات و واده‌ی ئاشکراکردنیان خۆشیه‌کانی ڕیاڵی شێواندووه‌ ئه‌وه‌ش توڕه‌یی ئیداره‌ی یانه‌ و هاوڕێکانی لێکه‌وتۆته‌وه‌.


29/05/2018
4276 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved