ساری مه‌رجی چوار گواستنه‌وه‌ی گه‌وره‌ی خستۆته‌ به‌رده‌م به‌رپرسانی چێڵسی

ساری مه‌رجی چوار گواستنه‌وه‌ی گه‌وره‌ی خستۆته‌ به‌رده‌م به‌رپرسانی چێڵسی

ساری مه‌رجی چوار گواستنه‌وه‌ی گه‌وره‌ی خستۆته‌ به‌رده‌م به‌رپرسانی چێڵسی

خه‌ڵک
ماوریسیۆ ساری ئیتاڵی و ڕاهێنه‌ری پێشوی یانه‌ی ناپۆلی، ڕۆژ به‌ڕۆژ له‌یانه‌ی چێڵسی ئینگلیزی نزیک ده‌بێته‌وه‌و ناوبراو ئاماده‌یی نیشانداوه‌ به‌ مه‌رجی ئه‌نجامدانی چوار بۆندی گه‌وره‌ په‌یوه‌ندییان پێوه‌ بکات.

ڕۆژنامه‌ی "لاگازێتا دێلۆ سپۆرت"ی ئیتاڵی ئاشکرای کردووه‌، ماوریسیۆ ساری له‌گه‌ڵ ئیداره‌ی یانه‌ی چێڵسی له‌گفتوگۆیه‌کی چڕ و قورسدایه‌، ناوبراو نایه‌وێت هیچ به‌ڵێنێک بدات تا پلان و پڕۆژه‌ وه‌رزشییه‌کانی له‌شاری له‌نده‌ن جێبه‌جێ نه‌کرێت، پلانه‌که‌شی بریتیه‌ له‌وه‌رگرتنی ده‌سه‌ڵاتی هونه‌ری و وه‌رزشیی ته‌واو هاوشێوه‌ی گواردیۆلا و مۆرینیۆ و گواستنه‌وه‌ی ئه‌و یاریزانانه‌ی به‌شیاویان ده‌زانێت بۆ یانه‌ ئینگلیزیه‌که‌.

یاریزانه‌ داواکراوه‌کانیش بریتین له‌: کالیدۆ کۆلیبالی و ئیلساید هیسای و پیۆته‌ر زیلینیسکی له‌ یانه‌ی ناپۆلی، هه‌روه‌ها ئاماده‌یی نیشانداوه‌ ده‌ستبه‌رداری ئه‌لڤارۆ مۆراتای ئیسپانی بێت و بۆ یونای یوڤانتۆس به‌رامبه‌ر دابینکردنی گۆنزالۆ هیواگین (ئاڵوگۆڕ).


به‌پێی سه‌رچاوه‌که‌، ته‌واوی بۆنده‌ داواکراوه‌کانی ماوریسیۆ ساری له‌یه‌که‌م وه‌رزی گواستنه‌وه‌کانی له‌‌یانه‌ی چێڵسی بڕی ١٧٩ ملیۆن پاوه‌ندی تێده‌چێت و ئه‌و نرخه‌ش به‌نسبه‌ت ڕۆمان ئه‌برامۆڤیچ و ئیداره‌ی یانه‌وه‌ قورسه‌ له‌ئێستادا دابین بکرێت.


29/05/2018
3589 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved