بێ باكیی لە میللەت

بێ باكیی لە میللەت


بێ باكیی لە میللەت
27/05/2018
149 جار بینراوە‌‌

هیوا سەید سەلیم

خەڵک-

كەم دەسەڵات هەیە هێندەی دەسەڵاتی هەرێمی كوردستان بێ باك بێت لە میللەتەكی خۆی، جاران لەگەڵ هاتنە پێشی هەڵبژاردنەكان ئەگەر بۆ چاو بەستەی خەڵكیش بایە هەندێك كاریان بۆ خەڵك دەكرد و جۆرێك خزمەتگوزاریان پێشكەش دەكرد، بەڵام مەڵێ ئەمجارەیان ئەوان باكیان بە دەنگی خەڵك نەبووە و لەبەرنامەیان بووە دەنگەكان بە خواستی خۆیان یاری پێبكەن، بۆیە نە پێش هەلبژاردن و نە ئێستاش ئامادەنین كارێك بكەن لە خزمەتی خەڵك بێت.

نموونەش دوای هەڵبژاردن دێن بەنزین گران دەكەن، لە بازاڕ شەق لە دەستگێر و كاسبكار هەڵدەدەن، كەیسی گوماناوی لەسەر چالاكوانان و نەیارانی خۆیان دەجولێنن، هەموو ئەو كارانەی كە پێشتر بۆیان نەكراوە ئێستا لە خزمەتی خۆیان دەیكەن.

جا لە هەمووشی سەیرتر بۆ كارەكانیان یاسا دادەتاشن، گۆڕینی سیستەمی كەناڵە ناوخۆیەكان كە بە (Maxmedea) پێش ماوەیەك بەهۆی ناڕەزایی خەڵك ڕاگیرا ئێستا هەر ماڵێك بۆ سوودوەرگرتن لە خزمەتگوزاری تەلەفزیۆنە ناوخۆییەكان دەبێت ئامێرە كۆنەكەی فڕێ بدات و ئامێری تازە بگڕێت و ساڵانەش پارەی بەشداری بدات.

ئەوەیە سیاسەتی بێ باكی لە میللەت.

Developed by Avesta Group and powered by Microsoft Azure

Copyright © 2016 Xelk. all rights reserved