كورد و سەدەیەك گۆڕانكاری

كورد و سەدەیەك گۆڕانكاری


كورد و سەدەیەك گۆڕانكاری
26/05/2018
164 جار بینراوە‌‌

ئارام ئازاد



شتێكی حەتمیە كە هەموو نەتەوەیەك بە تایبەتی نەتەوەكانی رۆژهەڵاتی ناوەڕاست خولیای گۆڕانكارین ، كورد سەرداری ئەم خولیای گۆڕانكاریەیە ، ئارەزوو و خۆزگەی ئەوەیە كە گۆڕانكاریەك بكا كە داینەمۆكەی نەوەیەكی تازە بێ بە رۆحیەتی كوردانەی هاوچەرخ و بیركردنەوەیەكی ئەوروپیانەی سەردەم بۆ بنیادنانی سیستەمێكی نوێی ناوازە كە هەموو پایەكانی ئازادی ، مافی مرۆڤ ، دیموكراسی و خۆشەویستی نیشتیمان لەو نەوە تازەدا بەدی بكا، بۆ ئەو گۆڕانكارییە ڕیشەیەش هەمیشە دژ و لایەنگر هەبووە بەوەی كە 

كۆمەڵێكی بەرژەوەندی هەمیشە وای نیشان دەدەن ئەوەی دژی دەسەڵات بێ 'ئاژاوەچی و بەڵتەجیە' ، ئەوان لەوە بێ ئاگان كە ئاگرێك سەری هەڵداوە كڵپەكەی ئەو چینەیە كەوا ئاستی تێگەیشتنیان گەیشتۆتە قۆناغێك كە دەیانەوێ ببینن كاریگەریی تێكشكاندنی چینە فەرمانڕەوا و دەسەڵاتدارەكان لە كات و قۆناغی جیاوازدا لەلای گەلانی پێشكەوتوو چۆن و بەهۆی چی بووە و چۆن زاڵ بوون بەسەر سیستەمی دەرەبەگایەتی دەسەڵات، ئەوانە نایانەوێ وڵاتەكەیان بكەوێتە لێواری مەترسی و باوەڕیان بە دیموكراسی و دەستاو دەست كردنی ئاشتیانە هەیە و دروشمی دەستاو دەست كردنەكەیشیان ئەوەیە كە چی تر نابێ دەسەڵات لە دەست كۆمەڵێك بێ كە شایستەیی و لێهاتویی ئەوەیان تێدا نەبووە كە رابەرایەتی گەل و نەتەوە  بكەن چونكە لە بەد بەختی زیاتر بەرهەمی تریان نەبووە.

 تەنها لێرەدا بە ڕوونی رۆل و كاریگەری پیاوانی ئایینی دەبینین كە ئایا دین چۆن بەكاردێنێ و چۆن ئەو هاوكێشەیە بۆ خەڵكی دیندار روون دەكاتەوە چونكە ئەو چەكەی پیاوی ئایینی بە دەستیەوەیەتی فیشەكەكەی سەد هێندەی فیشەكی چەكی ئاسایی كاریگەرە ئەویش ئەو مینبەرەیە كە خەڵكی لە چوارچێوە كۆ دەكاتەوە ، نمونەی بەرجەستكاریش زۆرە كاتێك كە پاپای ڤاتیكان لەناو ئاپۆڕای جەماوەری لایەنگرانی ئایینی مەسیح لە ساڵی 1981 درایە بەر دەستڕێژی گولە خۆشبەختانە نەكوژرا و دوای دەستگیركردنی تاوانبار 'محمد ئاغا'ی توركی موسڵمانی ئیسڵامی ، پاپا دوای چاك بوونەوەی سەردانی كرد لە زیندان و لێی خۆش بوو ئەوەش هەموو بۆ ئەوەی بیری توندوتیژی لەبیری لایەنگرانی مەسیح بباتەوە كە چاوەڕێی ئەوەبوون پاپا ڕەزامەندی ئەوەیان پێ بدا هێرش بكەنە سەر موسڵمانی دانیشتووی ئیتاڵیا بەڵام پاپا هەموو ئەو دڵەڕاوكێیانەی ڕەواندەوە و لێبوردە بوو بەرامبەر بەو كەسەی كە ڕەنگە جەنگێكی خوێناوی لەنێوان مەسیح و ئیسلام بەرپا كردبا لێرەدا گرنگی بەكارهێنانی ئایین دەبینین بۆ ئەوەی بیری توندوتیژی لە مێشكی خەڵكی دیندار بهێنێتە دەرەوە لەبڕی ئەوەی هانیان بدەن بۆ ئەوەی پشتێنی تی ئێن تی بەخۆیاندا ببەستن و لەژێر ناوی پیرۆزی 'الله اكبر' خۆیان بە خەڵكی هەژار و كاسب كاردا بتەقێننەوە یا لە بڕی ئەوەی لە كەنیسەكان دا فەتوای كوشتنی كەسێكی باوەڕداری ئیسلامی لە بۆڕما دەربكەن ، فێریان بكەن كە بتوانن كارامەیی خۆیان لە دروست كردن و بنیادنان دا بەكار بخەن .

خراپترین جۆری بیركردنەوە و تێگەیشتن ئەوەیە كە چەمكی "چاكسازی" و "كۆدەتا" و "ڕاپەرین" لەگەڵ شۆرش تێكەڵ بكرێ ئەو تێگەیشتنە وڵات بەرەو وێرانە دەبا و هەموو جوانیەكان دەسرێتەوە و بە توندوتیژی كۆتایی دێ ، لە هەمان كاتدا ئەو پرسیارانەی كە پێویستە دەسەڵاتی سیاسی لەخۆی بكا ئەوەیە كە "بۆچی ئە سیستەمە سیاسیەی ئەوان پەیرەوی دەكەن زیاتر لە سیستەمە سیاسیەكانی تری وڵاتانی تر روبەرووی مەترسیی راپەڕین دەبێتەوە ؟" بۆچی لەو وڵاتە خەڵك لە ورد و درشت ناڕازییە؟ " "بۆچی ڕێژەی بێكاریی زۆرە؟".

نەتەوەی كورد لە نەتەوەكانی تری رۆژهەڵاتی ناوەڕاست جیاوازە ئەو بەهارە عەرەبیەی كە نەتەوەكانی عەرەبی شانازی پێوەدەكەن كورد لە ساڵی ۱۹۹۱ دا ئەنجامی داوە كەواتە قۆناغێك لە پێش عەرەبەوەیە كە تەمەنی ئەو قۆناغە نزیكەی ۲٠ ساڵە بەڵام ئایا بزوێنەرانی ڕاپەرین لە بەڕێوەبردنی دەستكەوتەكانی راپەرین سەركەوتوو بوون ! ، وەلێ بەبەراورد بە نەتەوەكانی ئەوروپی سەد ساڵی تەمەن لە دواوەین كاتێك كە میللەتانی دوای جەنگی جیهانی دووەم ئەسپی خۆیان تاودا و كەوتنە خۆ بۆ دروست كردنی نەتەوە و نەوەیەكی بیر هاوچەرخ و دوور لە فاشیستی و پڕ لە نیشتمانپەروەری ، نەتەوەی كورد بە پێی واقیعە جوگرافیە خراپەكەی سەرەتای دەست پێ كردنەوەی شۆڕشی چەكداری بوو دژی ئەو دەوڵەتە زلهێزانەی دەوریان گرتبوو ، بەو پێیە دەبوو هێمای شكست و سەركەوتن بكەنە ئەگەری یەكەم و ئەخیر و نەدەبوو چاویان لە دورتر بێ بەڵام لەگەڵ ئەوەش ئەگەر بهاتایە قابلیەتی ئەوەیان تێدابوایە كە دەوڵەتێكی وەك بەریتانیا لەسەر خاكەكەیان بهێڵنەوە و حوكمی ئەوانیان بۆ چەند ساڵێك زیاتر قبوڵ بوایە

Developed by Avesta Group and powered by Microsoft Azure

Copyright © 2016 Xelk. all rights reserved