مامۆستایەكی ئاینی لە هەولێر بە چەقۆ كوژرا

مامۆستایەكی ئاینی لە هەولێر بە چەقۆ كوژرا

مامۆستایەكی ئاینی لە هەولێر بە چەقۆ كوژرا

خەڵك- بەشی هەواڵ 
مامۆستایەكی ئاینی كەركوك لەشاری هەولێر بەچەقۆ كوژرا، وتەبێژی  پۆلیسی هەولێریش دەڵێت، “بكوژەكە هەڵاتووە و دەستگیرنەكراوە". 

ڕائید هۆگر عەزیز، وتەبێژی بەڕێوەبەرایەتی پۆلیسی هەولێر لە لێدوانێكی ڕۆژنامەوانیدا ڕاگەیاندووە، "شەوی ڕابردوو لەشاری هەولێر یەشار یوسف مامۆستای ئاینی بەچەقۆ كوژراوە".

بە وتەی هۆگر عەزیز، "ئەو مامۆستایە لەنەتەوەی توركمانە و لە مزگەوتێكی گەڕەكی عەرەفەی شاری كەركوك پێشنوێژ و وتاربێژ بووە و بەسەردان هاتووەتە هەولێر، بەڵام لەگەڕەكی فەرمانبەرانی هەولێر لەلایە كەسێكەوە، كە پێكەوە لەماڵێكدا بوون بەچەقۆ كوژراوە و پارەیەكیش، كە بڕەكەی شەش هەزار دۆلار بووە، لەلایەن بكوژەكەوە براوە".

وتەبێژی پۆلسی هەولێر ڕاشیگەیاند، دوای ڕووداوەكە بكوژەكە هەڵاتوە و تائێستا دەستگیرنەكراوە، بەڵام لێكۆڵینەوەكانی پۆلیس دەستیپێكردوە و گەڕانیش بەدوایدا بەردەوامە.

كوژرانی ئەو مامۆستا ئاینییە لەكاتێكدایە، كە لەكۆتایی ساڵی 2016 و سەرەتای مانگی شوباتی 2017دا دوو مامۆستایی ئاینی بەناوەكانی (د.هۆشیار ئیسماعیل و مەحمود عوسمان، كە خوێندكاری دكتۆرا بوو)  هەردووكیان بەشەو لەبەردەم ماڵەكانیاندا لەلایەن چەكدارانی نەناسراوەوە كوژران.

30/05/2018
8940 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved