لیژنەی نەوت و وزە دەربارەی بەنزین لە كۆبونەوەدایە و بەرزی نرخیش دەخەنە ئەستۆی پارێزگاری سلێمانی

لیژنەی نەوت و وزە دەربارەی بەنزین لە كۆبونەوەدایە و بەرزی نرخیش دەخەنە ئەستۆی پارێزگاری سلێمانی

لیژنەی نەوت و وزە دەربارەی بەنزین لە كۆبونەوەدایە و بەرزی نرخیش دەخەنە ئەستۆی پارێزگاری سلێمانی

 

خەڵك- بەشی هەواڵ

لیژنەی نەوت و وزەی ئەنجومەنی پارێزگای سلێمانی لە كۆبونەوەدایە سەبارەت بە خراپبوونی كوالێتی بەنزین و گرانبوونی نرخەكەی، ئەندامێكی لیژنەكەیش دەڵێت "داوای كۆبونەوەمان لە پارێزگار كردووە و وەڵامی نەداوینەتەوە".

دانا جەزا، ئەندامی لیژنەی نەوت و وزە لە ئەنجومەنی پارێزگای سلێمانی، بە (خەڵك)ی راگەیاند، كە چەند هۆكارێك هەن بۆ خراپبوونی كوالێتی بەنزین كە سەرەكیترینیان ئەوەیە، كوالێتی كۆنترۆڵ وەك پێویست كاری خۆیان ناكەن، یان بازرگانەكان لە ناوخۆدا تێكەڵیان دەكەن و یان لەوانەیە لە بەنزینخانەكاندا تێكەڵ بكرێن.

وتیشی "لە كۆبونەوەداین بۆ دۆزینەوەی چارەسەرێك بۆ ئەو كێشانە و سەبارەت بە نرخیش بەشێكی پەیوەندی بە بۆرسەی جیهانی نەوتەوە هەیە و بەشەكەی تریشی ركابەری نەماوە و نرخ بەرزكراوەتەوە، چەندجارێك داوای كۆبونەوەمان لە پارێزگاری سلێمانی كردووە بۆ ئەو مەبەستە، بەداخەوە وەڵامی نەداوینەتەوە".

كۆبونەوەی لیژنەی نەوت و وزە لەكاتێكدایە كە ماوەی چەند رۆژێكە نرخی بەنزین لە بەنزینخانەكانی سنوری پارێزگای سلێمانیدا بەرزبوەتەوە و كوالێتی بەنزینیش خراپ بووەتەوە.

(خەڵك) لەوبارەیەوە پەیوەندی كرد بە هەڤاڵ ئەبوبەكر پارێزگاری سلێمانیەوە، بەڵام ناوبراو بەردەست نەبوو.

30/05/2018
1847 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved