كۆبوونەوەیەكی نهێنی بۆ دوورخستنەوەی ئێران لە سوریا ئاشكرا دەبێت

كۆبوونەوەیەكی نهێنی بۆ دوورخستنەوەی ئێران لە سوریا ئاشكرا دەبێت

كۆبوونەوەیەكی نهێنی بۆ دوورخستنەوەی ئێران لە سوریا ئاشكرا دەبێت

خەڵك-بەشی هەواڵ

دوای چەند جارێك پێكدادانی سەربازی نێوان ئیسرائیل و ئێران لە خاكی سوریا، رۆژنامەیەكی ئیسرائیلی ئاماژە بە چارەسەركردنی كێشەی نێوان ئەو دوو لایەنە دەكات.

ڕۆژنامەی تایمز ئۆفی ئیسڕائیلی بڵاویكردەوە، ئیسڕائیل گەیشتووە بە ڕێكەوتنێكی نهێنی لەگەڵ ڕوسیادا بۆ ئەوەی ئەو هێزە ئێرانیانەی لە سوریادان دووربكەونەوە لە سنوورەكانی ئیسڕائیل.

بەپێی ڕێكەوتنەكە، ئیسڕائیل ڕازی دەبێت بە گەڕانەوەی هێزەكانی ڕژێمی سوریا بۆ سەر سنووری بەرزاییەكانی جۆلان، لەبەرامبەر ئەوەشدا ڕوسیا دەبێت گرەنتی ئەوە بدات كە هیچ هێزێكی دیكەی ئێرانی ‌و میلیشیاكانی سەر بە ئێران وەكو حزبوڵڵای لوبنانی لە ناوچەكەدا نەمێنن.

رۆژنامە ئیسڕائیلییەكە ئەوەش ئاشكرا دەكات كە ڕوسیا داوا لە هەموو هێزە بیانییەكانی ناو سوریا بكات بڕۆن، بە هێزەكانی ئێران‌و حزبوڵڵاو ئەمەریكاو توركیاشەوە.

بەپێی زانیارییەكان رێكەوتنەكە چووەتە قۆناغی كۆتاییەوەو ئافیگدۆر لیبەرمان وەزیری بەرگری ئیسڕائیل هەفتەی داهاتوو سەردانی مۆسكۆ دەكات.

كەناڵێكی ئیسڕائیلی لە زاری سەرچاوەیەكی سیاسییەوە بڵاویكردەوە، ئیسڕائیل ئەو ڕێكەوتنەی زۆر بەلاوە گرنگە، چونكە ئەوە مانای ئەوەیە ڕوسیاو ئەمەریكا پشتیوانی لە دژایەتییەكەی ئیسڕائیل دەكەن لەبەرامبەر بوونی هێزەكانی ئێران لە سوریاداو بەرپرسێكی باڵای ئیسڕائیلیش ئاماژە بۆ ئەوە دەكات، ئەم ڕێكەوتنە مانای ئەوەیە سەرۆكی سوریا بەشار ئەسەد زۆربەی خاكەكانی سوریا دەگرێتەوە لەژێر پارێزگاری ڕوسیادا، دوای حەوت ساڵ لە هەڵگیرسانی جەنگی ناوخۆی سوریا.

جگە لە ئیسڕائیل سعودیەش سودمەندێكیترە لەرێكەوتنەكە، چونكە پێیان خۆش نییە ئێران لەو ناوچەیە دەسەڵاتی هەبێت.

پێشتر قاسم سولەیمانی نهێنی رێكەوتنێكی نێوان سوریاو سعودیەو روسیای ئاشكرا كرد، كە محەمەد بن سەلمان داوای لە سوریەكان كردووە پەیوەندییەكانیان لەگەڵ ئێران بپچڕێنن.

ئاماژەی بۆ ئەوەش كردووە، كێشەی سەرەكی تەنها ئێرانە، ئەگەرنا بە رۆژێك داعش‌و بەرەی نوسرە لە ناوچەكە ناهێڵێن.

30/05/2018
2036 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved