بڕێكی زۆر برنج لە سلێمانی لەناوبرا.. فێڵی تێداكراوە

بڕێكی زۆر برنج لە سلێمانی لەناوبرا.. فێڵی تێداكراوە

بڕێكی زۆر برنج لە سلێمانی لەناوبرا.. فێڵی تێداكراوە

خەڵك- بەشی هەواڵ
بەهۆی فێڵی بازرگانیەوە، لیژنە هاوبەشەكانی قائیمقامیەتی سلێمانی دەست بەسەر بڕێكی زۆر برنجی وڵاتی ڤێتنامدا دەگرن و نوێنەری چاودێری بازرگانی ڕایدەگەیەنێت، خاوەنەكەی ڕوبەڕوی یاسا دەكرێتەوە.

دیار جەمال، نوێنەری بەڕێوەبەرایەتی چاودێری بازرگانی سلێمانی لە لیژنە هاوبەشەكانی قائیمقامیەت ڕایگەیاند؛ بەهۆی گۆڕینی فەردەی برنج و دەستكاری كردنی لیبڵەكەیەوە لیژنە هاوبەشەكانی قائیمقامیەتی سلێمانی دەستیان بەسەر زیاتر لە 9 تۆن برنجی ڤێتنامی-دا گرتووە.

وتیشی، "برنجەكە لەجۆرێكی ترە، بەڵام بازرگانەكە كردویەتیە فەردەی برنجی ئاڵدانەوە، هەروەها بەدەستكاری كردنی لیبڵەكەی و شاردنەوەی زانیاریەكانی و گۆڕینی بەرواری بەسەرچونەكە فێڵی بازرگانی كردووە و یاسا سزای بۆ دیاری كردووە".

ئاماژەی بەوەشكرد، بەفەرمانی قائیمقامی سلێمانی و لەلایەن لیژنەی لەناوبردنەوە لەناوچەی تانجەرۆی شاری سلێمانی برنجەكە لەناودەبرێت و خاوەنەكەشی روبەروی یاسا دەكرێتەوە.

سەرۆكی لیژنە هاوبەشەكان داوا لە هاوڵاتیانی شاری سلێمانی دەكات، لەكاتی بازاڕكردن و كڕینی پێداویستیەكانیاندا گرنگی بە بەروارەكەیان بدەن و لەهەبونی كاڵاوشمەكی ماوە بەسەرچودا لیژنە هاوبەشەكانی لێ ئاگادار بكەنەوە.

29/05/2018
9278 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved