بانگدانی مزگەوتەكان و قورئان خوێندن لە پرسەكان دەبنە ئەلیكترۆنی

بانگدانی مزگەوتەكان و قورئان خوێندن لە پرسەكان دەبنە ئەلیكترۆنی

بانگدانی مزگەوتەكان و قورئان خوێندن لە پرسەكان دەبنە ئەلیكترۆنی

خەڵك- بەشی هەواڵ
بەرپرسێكی وەزارەتی ئەوقافی هەرێم جەخت لەسەر پڕۆژە چاكسازییەكانی لبواری كاروباری ئایینی دەكاتەوە و ڕایدەگەیەنێت، ئەوەی ئەو داوای دەكرد بۆ بە ئەلیكترۆنی كردنی بانگدان و قورئان خوێندن لە پرسەكان بووە ڕاستی و دەڵێت: "پێشتر ڕەتیان دەكردەوە و دەیانكردە هەڵا".

مەریوان نەقشبەندی، بەڕێوەبەری پێكەوەژیانی ئایینەكان لە وەزارەتی ئەوقافی هەرێم لە هەژماری خۆی لە فەیسبووك ڕایگەیاندووە، كاتی خۆی پێشنیاری ئەوەم كرد خانەی ئاین لەناسنامە لابدرێت، كردیانە هەڵا و گوتیان ئەوە دژایەتی ئاینی ئیسلامە، كەچی دوای دوو ساڵ حكومەتی عیراق ئەمەی جێبەجێكرد و لەناسنامەی نیشتیمانیدا خانەی ئاینی لابردوە و یەك كەسیشم گوێ لێنەبو لە لەخواترسەكانی هەرێم هیچ بڵێن یان ڕەخنەیەك بگرن.

دەشڵێت: "كاتی خۆی كۆمپانیایەكی ئەهلی پڕۆژەیەكی دڵسۆزانەی پێشكەش بەوەزارەت كرد بۆ بەئەلیكترۆنیكردنی بانگی مزگەوتەكان، بەڵام ڕەتیان كردەوە بەبیانوی كەمكردنەوە لەخێری بانگدان، بەڵام ئەوە ئێستا زۆر لەمزگەوتەكانی كوردستان بەجیهازێكی مۆبایل یان بەجیهازێكی ئەلكترۆنی بانگ دەدەن و كەس هەر باسیشی ناكات".

ئاشكراشی كردووە، كاتی خۆی پێشنیارم كرد خەرجی قورئان خوێندن لەپرسەكان و بەهەڵە قورئان خوێندن لەلایەن بەشێك لەقورئان خوێنەكانەوە كۆتایی پێبێنین بەدانانی جهازێكی تایبەت بەقورئان خوێندن لەپرسەدا، بەڵام ڕوبەڕوی كۆمەڵێك بەربەست و ڕەخنە بومەوە، كەهەندێكیان شەرعی و هەندێكیان شەخسی بوو، كەچی ئێستا لەزۆربەی شوێنەكانی كوردستان قورئان خوێندن لەپرسەكان لەڕێگای جهازێكی تایبەتەوە دەبێت و جهازەكەش بەبێ بەرامبەر دەدرێت بەخاوەن پرسەكان و بەهەڵە خوێندنی قورئانی پیرۆزیان لەپرسەكاندا كۆتایی پێهێناوە.

وەك نەقشبەندی دەڵێت: "دڵنیام لەم ماوەیەی دواییشدا زۆر لەو پڕۆژە و پێشنیارە چاكسازیانەی، كە بۆ باشتركردنی ڕەوشی ئاینی و كۆمەڵایەتی لەهەرێمی كوردستان خستبومەڕو دەكەوێتە بواری جێبەحێكردن جا حكومەت ئەوە بكات یان خەڵك دڵنیام جێبەجێ دەبێت".

28/05/2018
3990 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved