لە عیراق یەكەم ڕۆژی مانگی ڕەمەزان دیاریكرا

لە عیراق یەكەم ڕۆژی مانگی ڕەمەزان دیاریكرا

لە عیراق یەكەم ڕۆژی مانگی ڕەمەزان دیاریكرا

خەڵك- بەشی هەواڵ
هەریەكە لە سیستانی و یەعقوبی و تائی، كە سێ‌ مەرجەعی ئاینیی شیعەی عیراق-ن پێشبینی دەكەن، یەكەم ڕۆژی مانگی ڕەمەزان ڕۆژی پێنج شەممەی ئەم هەفتەیە بێت.

محەمەد یەعقوبی، مەرجەعی ئایینی شیعەی عیراق لە بەیاننامەیەكدا، كە نووسینگەكەی بڵاویكردۆتەوە ئاماژەی بەوەكردووە، كە ئاماژەكان بۆ ئەوە دەچن یەكەم ڕۆژی مانگی ڕەمەزانی پیرۆز دەكەوێتە ڕۆژی پێنج شەممە 17ی ئایار و ڕۆژی چوار شەممە دەكاتە كۆتا ڕۆژی مانگی شەعبانی كۆچی.

لای خۆشیەوە، عەلی سیستانی، گەورە مەرجەعی شیعەكانی عیراق پێشبینی ئەوەی كردووە، كە "ئێوارەی سبەینێ‌ چوار شەممە مانگ دەبینرێت و ڕۆژی پێنج شەممە دەبێتە یەكەم ڕۆژی مانگی ڕەمەزانی پیرۆز".

هاوكات قاسم تائی، مەرجەعی شیعەی عیراق لە بەیاننامەیەكدا ڕایگەیاندووە، كە بەپێی حسابە فەلەكییەكان ڕۆژی پێنج شەممە دەبێتە یەكەم ڕۆژی مانگی ڕەمەزانی پیرۆز.

پێشتریش فەلەكناسەكان پێشبینی ئەوەیان كردبوو، كە ڕۆژی چوار شەممە دوای ئاوابوونی خۆر بە نزیكەی 20 خولەك مانگیش ئاوادەبێت و لەڕێگەی تەلسكۆبەوە دەبینرێت و ڕۆژی پێنج شەممە دەبێتە یەكەم ڕۆژی ڕەمەزانی پیرۆز.

بۆ ڕاگەیاندنی یەكەم ڕۆژی ڕەمەزان لە هەرێمی كوردستان، لیژنەی بینینی مانگ بڕیار لەوبارەیەوە دەدات، كە بڕیارە ئێوارەی ئەمڕۆ بۆ بینینی مانگ ئەو لیژنەیە كۆببێتەوە.

15/05/2018
6715 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved