سلێمانی: جگە لە سەربڕینی قاچاخ، رۆژانە زیاتر لە 200 هەزار تەن گۆشت بەكاردەهێنرێت

سلێمانی: جگە لە سەربڕینی قاچاخ، رۆژانە زیاتر لە 200 هەزار تەن گۆشت بەكاردەهێنرێت

سلێمانی: جگە لە سەربڕینی قاچاخ، رۆژانە زیاتر لە 200 هەزار تەن گۆشت بەكاردەهێنرێت

خەڵك-بەشی هەواڵ

جێگری بەڕێوەبەری سامانی ئاژەڵی سلێمانی ئاشكرایدەكات، رۆژانە نزیكەی 73 تەن گۆشتی سوور و 133 تەن گۆشتی مریشك لەلایەن هاووڵاتیانە بەكاردەهێنرێت.

ئاوات ئەحمەد جێگری بەڕێوەبەری سامانی ئاژەڵی سلێمانی بە (خەڵك)ی راگەیاند، كەس ناتوانێت ئاماری ئاژەڵە سەربڕدراوەكانی جەژنی قوربان بە دیاریكراوی بزانێت، چونكە ئێمە بەپێی یاسایەك كار دەكەین، كە بۆ گشتییە و ئەوەش زیاتر لە قەسابخانەكانەوە وەردەگیرێت.

وتیشی، بەپێی پلانی ستراتیژی عێراق 30% مەڕ و بزانە سەربڕدراوەكان بە قاچاخی سەردەبڕدرێن‌و 20% رەشە وڵاغەكانیش بە قاچاخی سەردەبردرێن.

ئاشكراشیكرد، ئێمە وەك ڤێتێرنەری ئامارێكی وردمان نییە، چونكە ناتوانین بڕۆینە هەموو قوژبنێكی ئاژەڵفرۆشان، مەگەر تەنها لە قەسابخانەكان، ئەوەشی دەستیدەكەوێت، نادروستە.

بە بەراورد بە جەژنەكانی رابردوو ئاوات ئەحمەد رایگەیاند، جەژنی رەمەزان بە گشتی ئاژەڵ زۆر سەربڕدرا بوو، ئاماژەی بۆ ئەوەش كرد، بەپێی ئەو ئامارەی ئێمە لامانە لە مانگی 1 بۆ 5ی رابردوو، مانگانە 5 بۆ 5500 رەشە وڵاخ سەربڕدراوە، بەڵام مانگی 6 نزیكەی 7 هەزار و 300 رەشە وڵاخ سەربڕدراوە، ئەمەش هۆكارە بۆ ئەوەی ئەو مانگە زۆرترین گۆشتی بەكارهێناوە.

سەبارەت بە ئاماری ئەم جەژنە، جێگری بەڕێوەبەری سامانی ئاژەڵ رایگەیاند، دەبێت كاتێكی بەسەردا تێپەڕ ببێت، ئەوكات ئێمە دەتوانین ئامارەكە كۆبكەینەوە.

سەبارەت بە بەكارهێنانی مریشك ناوبراو رایگەیاند، مانگانە نزیكەی 3500 بۆ 4000 تەن بەرهەمی مریشك بەكاردەهێنرێت و بەپێ وەرزكانیش گۆڕانكاری بەسەردا دێت.

س.ع

05/09/2017
1981 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved