مامۆستایانی ناڕازی هەڵوێستی خۆیان لەسەر دەستپێكردنەوەی خوێندن ڕاگەیاند

مامۆستایانی ناڕازی هەڵوێستی خۆیان لەسەر دەستپێكردنەوەی خوێندن ڕاگەیاند

مامۆستایانی ناڕازی  هەڵوێستی خۆیان لەسەر  دەستپێكردنەوەی خوێندن ڕاگەیاند

خەڵك – بەشی هەواڵ

دەستەی مامۆستایانی ناڕازی رەتی دەكەنەوە رۆژی شەممە بچنە ناو هۆڵەكانی خوێندن‌و دەڵێن:" بەردەوام دەبن لەسەر بایكۆت تا داواكانیان جێبەجێدەكرێت".

پاش ئەوەی ئێوارەی ئەمرۆ هەرەیەك لە ئازاد حەمە ئەمین سەرۆكی ئەنجومەنی پارێزگای سلێمانی ‌و دڵشاد عومەر بەرێوەبەری پەروەردەی سلێمانی، رایانگەیاند رۆژی شەممە دەوامی ئاسایی خوێندنگەكانی سنوری پارێزگای سلێمانی دەست پێدەكاتەوە، دەستەی مامۆستایانی ناڕازی رەتیان كردەوە پابەند ببن بە قسەكانی بەرێوەبەری پەروەردەوە.

لە كۆنگرەیەكی رۆژنامەوانیدا دەستەی مامۆستایانی ناڕازی رایانگەیاند، بەداخەوە هەتا دوێنێ‌ سەعات (4) مامۆستا دڵشاد عومەر لەگەڵ ماف‌و حەقی مامۆستایان بوو، بەڵام ئەمرۆ وتەی زۆر دژوو پێچەوانەمان لێی بیست، بەتایبەت بۆ سزا دانی مامۆستایان.
مامۆستایانی ناڕازی ئاماژەیان بەوەشكرد، ئەگەر مامەڵەی یاسایان لەگەڵ بكرێت ئەوا دەبێت بەرێوەبەری پەروەردەی سلێمانی داوای مافی موچەی فەوتاوی  یەك ساڵی مامۆستایان بكات.، نەك بیر لە سزادانی مامۆستایان بكاتەوە.

جەختیان لەسەر ئەوەش كردووە، كە ئەوان ناچنە هۆڵەكانی خوێندنەوە. 

09/11/2016
6522 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved