بزوتنەوەی ئیسلامی: ئەوەی ئەمڕۆ كرا هەوڵێكی دیكەیە بۆشكانی شكۆی مامۆستا

بزوتنەوەی ئیسلامی: ئەوەی ئەمڕۆ كرا هەوڵێكی دیكەیە بۆشكانی شكۆی مامۆستا

بزوتنەوەی ئیسلامی: ئەوەی ئەمڕۆ كرا هەوڵێكی دیكەیە بۆشكانی شكۆی مامۆستا

 

خەڵك ـ بەشی هەواڵ    


ئەندامێكی لیژنەی پەروەردە و خوێندنی باڵا لە پەرلەمانی كوردستان ڕایدەگەیەنێت، ئەنجومەنی پاریزگا و بەڕیوەبەرایەتی گشتی پەروەردەی سلێمانی پشتیان لەمامۆستایان كرد، دەشڵێت:"ئەوەی ئەمڕۆ كرا چارەسەر نییە، بەڵكو پینە و پەڕۆیە و هەوڵێكی دیكەیە بۆ شكانی شكۆی مامۆستا".

د. شوان قەڵادزیی ؛ سەرۆكی فراكسیۆنی بزوتنەوەی ئیسلامی لە پەرلەمانی كوردستان؛ لە ئەژماری خۆی ڕایگەیاندوە، داواكاری مامۆستایانی ناڕازی ڕوون و ئاشكرایە و داوای لابردن و یاخود پیاداچونەوە بەسەپاندنی پاشەكەوتی ئیجباری ئەكەن، لەگەڵ گەرانەوەی مافەكانیان و پێدانی موچە لەكاتی خۆیدا.

دەشڵێت:"ئەوەی ئەمڕۆ ئەنجومەنی پاریزگاو بەڕیوەبەرایەتی پەروەردەی سلێمانی كردیان چارەسەر نییە، بەڵكو پینە و پەڕۆیە و هەوڵێكی دیكەیە بۆشكانی شكۆی مامۆستا، هەروەها ئەو هەوڵانە جگە لەوەی شەڕی بەوەكالەتی دەسەڵات و حزبە حوكمڕانەكانە دژی مامۆستایان لەهەمان كاتدا جێ بەجێ كردنی فەرمانەكانی حكومەتی قەیراناویە".

دەشڵێت:"لەبری ئەوەی ئەو دوو دەزگایە داكۆكیكاری مافە ڕەواكانی مامۆستایانی سلێمانی و هەڵەبجە و گەرمیان و ڕاپەرین و قەڵادزێ بن، نەوەك پاریزەری دەسەڵاتێكی بێ باك و دڵ ڕەق بەرامبەر مامۆستایان و فەرمانبەرانی كوردستان بن بەگشتی".

ئاماژەی بۆ ئەوەشكردووە، ئێمە لەفراكسیۆنی بزوتنەوەی ئیسلامی بەهەمو شێوەیەك پشتیوانی لە داوا ڕەواكانی مامۆستایانی ناڕازی ئەكەین، وە ئیدانەی هەڕەشەكردن لەو توێژە ئاڵتونیەی كوردستان ئەكەین، بەپێویستیشی ئەزانین تا كار لە كارنەترازاوە حكومەت پێشوازی لەداواكانیان بكات و بێ باكی بشكێنێت.
 چ.چ

09/11/2016
2062 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved