ئەنجامدانی "گەعدە" لەچەند شوێنێكی سلێمانی قەدەغە دەكرێت

ئەنجامدانی "گەعدە" لەچەند شوێنێكی سلێمانی قەدەغە دەكرێت

ئەنجامدانی

سلێمانی-نزار جەزا

وتەبێژی گەشتوگوزاری سلێمانی ڕایدەگەیەنێت، لایڤ موزیك بەشێوەیەك لەكافتریاكاندا قەدەغەیە كە نەبێتە گەعدە و ببێتە هۆی بێزاركردنی خەڵك.

ئارام شوانی، وتەبێژی بەڕێوەبەرایەتی گەشتوگوزاری سلێمانی، بە(خەڵك)ی ڕاگەیاند، (لایڤ موزیك) لەڕێستۆرانت و كافتریاكان قەدەغە نییە، ئەگەر بەشێوەیەك بێت، كە موزیكژەنێك‌و گۆرانیبێژێك گۆرانییەكی هادی و لەسەرخۆ بڵێن.

زیاتر ڕوونیكردەوە، لایڤ موزیك تەنها بەشێوەیەك قەدەغەكراوە، كە تیپێكی مۆسیقای گەورە تاكو نیوەی شەو لەكافتریایەكدا (گەعدە) بكات و بەدەنگی بەرز ‌و خێرا ماڵەكانی دەوروبەری بێزار بكات.

باسی لەوەشكرد، ئەنجامدانی لایڤ موزیك تەنها بۆ شوێنە پێنج ئەستێرەییەكان نییە، بەڵكو بۆ هەموو كافتریاكان ڕێگەپێدراوە، بەڵام بەشێوەیەك نەبێت، كە ببێتە هۆی بێزاركردنی خەڵك و دەبێت لەسنوری خۆیدا بێت.

09/11/2016
2563 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved