عەبدول لەتیف سەلەفی دەگەڕێتەوە

عەبدول لەتیف سەلەفی دەگەڕێتەوە

عەبدول لەتیف سەلەفی دەگەڕێتەوە

خەڵك-ئارام سەردار

دكتۆر عەبدولەتیف سەلەفی ئاشكرای دەكات، راگراتنی لەوتاردان لەمزگەوت بەشێوەیەكی كاتیە و دەستێكی سیاسی لەپشتەوەیە و بەم زووانە دەگەڕێمەوە بۆ پێشكەش كردنی وتاری هەینی.

دكتۆر عەبدولەتیف سەلەفی رێبەری سەلەفییەكانی كوردستان، بە(خەڵك)ی راگەیاند، راگرتنی ئەو لە پێشكەشكردنی وتاری هەفتانە لەمزگەوتی بەهەشت لەسلێمانی ماوەیەكی كاتیە و دەستێكی سیاسی لەپشتەوەیە.

وتیشی "كێشەكە كاتیە و لەماوەیەكی نزیكدا چارەسەر دەبێ و دەگەڕێمەوە سەر وتاردان".

سەبارەت بەلابردنی لەپەیمانگای زانستە ئیسلامییەكان وتی "ئەو پەیمانگایە داخراوە و قەدەغەش كراوە وانە بڵێمەوە تێیدا، بەڵام لەمزگەوت بەردەوامم لەوتنەوەی وانەی شەرعی".

لای خۆشیەوە مەریوان نەقشەبەندی بەڕێوەبەری پێكەوەژیان و پەیوەندییەكانی وەزارەتی ئەوقاف بە(خەڵك)ی رایگەیاند، ناوبراو بەخۆبەخشانە وتاری هەفتانەی خوێندۆتەوە و پەیوەندی بەوەزارەتی ئەوقاف و كاروباری ئاینییەوە نەبووە، بەڵام هەر كاتێك ئەو لیژنەیەی دیاری كراوە بۆ لێكۆڵینەوە لەگەڵ ئەو مامۆستایانەی كە لەوتاری هەینی راگیراون، كێشەكان چارەسەر بوون، ئەگەر كێشەیان نەبێت، دكتۆر عەبدول لەتیف و سەرجەم مامۆستایانی تریش كە لەوتاری هەینی راگیراوان دەگەڕێنەوە بۆ وتاردان.

وتیشی "داوا كراوە دكتۆر عەبدولەتیف راژەكەی لەسەر وەزارەتی خوێندنی باڵا و توێژینەوەی زانستی بۆ سەر وەزارەتی ئەوقاف و كاروباری ئاینی بگوازرێتەوە".
 

09/11/2016
2976 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved