ترامپ لە كۆشكی سپی نزیك دەبێتەوە و پێش هیلاری كەوت

ترامپ لە كۆشكی سپی نزیك دەبێتەوە و پێش هیلاری كەوت

ترامپ لە كۆشكی سپی نزیك دەبێتەوە و پێش هیلاری كەوت

    خەڵك- بەشی هەواڵ

پاڵێوراوی كۆمارییەكان دۆنالد ترامپ پێش پاڵێوراوی دیموكراتی هیلاری كلنتن دەكەوێت بە پێی ئەنجامە بەراییەكان.

بە پێی ئەو ئەنجامانە، تا ئێستا ترامپ 254ی كۆی گشتی دەنگەكانی بە دەست هێناوە، لەبەرامبەردا كلنتن 215 دەنگی بەدەست هێناوە، بەڵام بۆ گەیشتن بە كۆشكی سپی پێویست بە 270 دەنگ دەكات.

ترامپ لە ویلایەتەكانی جورجیا، ئیوا، فلۆریدا، نورس كارولاینا، یوتا، ئۆهایۆ، كنتاكی، ئیندیا، فرجینیای خۆرئاوا، كارولاینای باشوور، مسیبسیبی، تینیسی، ئەلئەباما، وایومینگ، تێكساس، داكوتای باشوور، داكوتای باكور، نبراسكا، ئەركنساس و كونتانا سەركەوتنی بەدەستهێناوە.

هەروەها كلنتن لە ویلایەتەكانی نیفادا، فیرجینیا، ماساشۆستس، میریلاند، نیوجێرسی، دیلاویر، رودئایلاند، ئیلینۆ، نیویۆرك، كۆنكتیكت و كالیفۆرنیا سەركەوتنی بەدەستهێناوە.

لە ویلایەتی نۆرس كارولاینا كاتی دەنگدان درێژكرایەوە لە ژمارەیەك لە ناوەندەكان، بەڵام لە ویلایەتی كولورادۆ، هەوڵی دیموكراتەكان بۆ هێشتنەوەی ناوەندەكان بە كراوەیی شكستی هێنا، ئەم دوو ویلایەتە یەكلاكەرەوەن بۆ گەیشتن بە كۆشكی سپی.
 ئ.ح
 

 

09/11/2016
2400 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved