پشتگیری خۆپیشاندان دەكات<br>فراكسیۆنی یەكگرتوو: حكومەت هەیبەت‌ و ئەركی خۆی لەدەستداوە

پشتگیری خۆپیشاندان دەكات
فراكسیۆنی یەكگرتوو: حكومەت هەیبەت‌ و ئەركی خۆی لەدەستداوە

پشتگیری خۆپیشاندان دەكات<br>فراكسیۆنی یەكگرتوو: حكومەت هەیبەت‌ و ئەركی خۆی لەدەستداوە

خەڵك ـ بەشی هەواڵ    


فراكسیۆنی یەكگرتووی ئیسلامی كوردستان رایدەگ ەیەنێت،  هەموو دەستێوەردانێك‌ و هاتنە ناوەوە و بەزاندنی سنوری خاكی هەرێم ڕەتدەكەینەوە، كە ئامانج لێی شكاندنی سەرەوەری هەرێم ‌و گۆڕینی باڵانسی هێزو قوڵكردنەوەی كێشەكان‌ و كردەمەیدانی یەكلاكردنەوەی بەرژەوەندی ووڵاتان بێت.

لە ڕاگەیەنراوێكدا، كە وێنەیەكی دەست (خەڵك) كەتووە، فراكسیۆنی یەكگرتووی ئیسلامی كوردستان ڕاگەیاندوە، حكومەت لە جیاتی بەهاناوەچوون‌ و دۆزینەوەی چارەسەری ڕاستەقینە بە تەرخانكردنی پارەی نەوت بۆ كۆمپانیاكانی نەوت‌ و سەرفكردنی بەشێكی تری داهات لە چالاكی ‌و ڤیستیڤاڵی بێ‌ هودە ئەوەندەی دیكە نیگەرانی هاووڵاتیانی كوردستان زیادكردوە.

ئاماژە بۆ ئەوەشكراوە، پشتیوانی لە ناڕەزایەتی‌ و خۆپیشاندان ‌و گردبوونەوەی مەدەنیانەی هاووڵاتیان‌ و فەرمانبەران‌ و مامۆستایانی كوردستان دەكەین، خەریكە هیچ مانایەك بۆ حوكمڕانی نامێنێتەوە و حكومەت هەیبەت‌ و ئەركی خۆی لە دەستداوە، كە لە بە شێكی هەرێم دەرگای قوتابخانە و فەرمانگە و زانكۆ و پەیمانگاكان داخراون‌ و لە بەشەكەی تری بایكۆتی بێ‌ دەنگ هەیە و خەڵك خەفە كراوە.

 دەقی ڕاگەیەنراوەكە: 

بەناوی خوای گەورەو میهرەبان

هاووڵاتیانی بە شەرەفی كوردستان ...
وەك دەزانن هەرێمی كوردستان بە دژواترین كاتەكانی دا تێدەپەڕێت‌و قەیرانە ئابوری‌و سیاسیەكان ڕۆژبەڕۆژ لە هەڵكشاندان‌و بێ‌ متمانەیی نێوان هێزو لایەنە كوردستانیەكان لە هەر كات زیاتربووە و كۆ دەنگی كوردستانی لەسەر پرسە نەتەوەیی‌و نیشتمانیەكان خەریكە ببێتە خەون‌و مەحاڵ، لەلایەكی تر ئەوەی كە باجی ئەم دۆخە سیاسە شپرزە دەدات هاووڵاتیانی كوردستانن كە سەرەڕای ئەو بارگرانیەی بەهۆی نەبوون‌و دواكەوتنی چارەكە موچەوە بۆیان دروست بووە خەریكە نا ئومێدی‌و بێ‌ هیوای‌و كێشەی دەروونی‌و كۆمەڵایەتی دەبێتـە خوانی ئامادەی سەر هەموو سفرەیەكی كوردەواری .
بۆیە ئێمە لە فراكسیۆنی یەكگرتووی ئیسلامی كوردستان هەڵوێستی خۆمان لەم خاڵانەدا دەخەینە ڕوو :
1- پشتیوانی لە ناڕەزایەتی‌و خۆپیشاندان ‌و گردبوونەوەی مەدەنیانەی هاووڵاتیان‌و فەرمانبەران‌و مامۆستایانی كوردستان دەكەین، خەریكە هیچ مانایەك بۆ حوكمڕانی نامێنێتەوەو حكومەت هەیبەت‌و ئەركی خۆی لە دەستداوە، كە لە بە شێكی هەرێم دەرگای قوتابخانەو فەرمانگەو زانكۆ و پەیمانگاكان داخراون‌و لە بەشەكەی تری بایكۆتی بێ‌ دەنگ هەیەو خەڵك خەفە كراوە .
لەلایەكی تر حكومەت لە جیاتی بەهاناوەچوون‌و دۆزینەوەی چارەسەری ڕاستەقینە بە تەرخان كردنی پارەی نەوت بۆ كۆمپانیاكانی نەوت‌و سەرفكردنی بەشێكی تری داهات لە چالاكی‌و ڤیستیڤاڵی بێ‌ هودە ئەوەندەی تر نیگەرانی هاووڵاتیانی كوردستان زیادكردوە.

بۆیە داواكارین كۆتایی بە پاشەكەوتی مووچە بهێنرێت‌و پێدانی مووچە لە وادەی خۆی دا بێ‌ دواكەوتن‌و سنووردانان بۆ بەهەدەردانی سامانی گشتی .

2- سەبارەت بە دەستێوەردانی دەرەكی بەداخەوە لە ساڵی (1991)وە عێراق‌و هەرێمی كوردستان بووەتە مەیدانی تەراتێنی دەوڵەتە هەرێمایەتی‌و نێودەوڵەتیەكان و دەزگا هەواڵگیری‌و سەدان كۆمپانیایان كە داهاتی هەرێمیان دادۆشیوە ، بۆیە ئێمە هەموو دەستێوەردانێك‌و هاتنە ناوەوەو بەزاندنی سنوری خاكی هەرێم ڕەتدەكەینەوە كە ئامانج لێ‌ ی شكاندنی سەرەوەری هەرێم‌و گۆڕینی باڵانسی هێزو قوڵكردنەوەی كێشەكان‌و كردەمەیدانی یەكلاكردنەوەی بەرژەوەندی ووڵاتان بێت، وە هەر هاتنە ناوەوەیەكی هێزی بیانی دەبێت لەسەر ڕەزامەندی پەرلەمانی كوردستان ‌و لە چوارچێوەی هاوپەیمانیەتی نێودەوڵەتی دژی داعش بێت .

3- تایبەت بە كۆبوونەوەی پەرلەمان ئێمە پێمان وایە كە غیابی پەرلەمانی كوردستان‌و پەكخستنی كێشە سیاسی‌و ئابووریەكانی كەڵەكتر كردووەو هیچ پاساوێك نیە كە دۆخەكە بەم جۆرە بەردەوام بێت .

بۆیە داوای دەستپێكردنەوەی گرێدانی كۆبوونەوەكانی پەرلەمان دەكەین بەپێ‌ ی پەیڕەوی ناوخۆی پەرلەمانی كوردستان بۆ ئەوەی پەرلەمان بە ڕۆڵ‌و بەرپرسیاریەتی شیاوی خۆی هەڵبستێت وەك مەرجەعی یەكلاكردنەوەی پرسە چارەنووسازەكان‌و نوێنەرایەتی خەڵكی كوردستان، وە داخوازین لە حیزب‌و هێزە سیاسیە كوردستانیەكان كە هەرچی زووە هاوكار بن بۆ بەگەڕخستنەوەی پەرلەمانی كوردستان چونكە بەردەوامی دۆخەكە بەشێوەی ئێستا بە زیان بۆ هەموان‌و ناو ناوبانگی گەلەكەمان دەشكێتەوەو لە نەفرەتی مێژوو قوتارمان نابێت .


فراكسیۆنی یەكگرتووی ئیسلامی كوردستان
لە پەرلەمانی كوردستان
هەولێر
9/10/2016

چ.چ

09/10/2016
1263 جار بینراوە‌‌


Developed by Avesta Group and powered by Microsoft Azure

Copyright © 2016 Xelk. all rights reserved