ئاری هەرسین: یەك بەردمان تێبگرن خۆپیشاندان دەگۆڕێت

ئاری هەرسین: یەك بەردمان تێبگرن خۆپیشاندان دەگۆڕێت

ئاری هەرسین: یەك بەردمان تێبگرن خۆپیشاندان دەگۆڕێت

 

خەڵك- بەشی هەواڵ

پەرلەمانتارێكی فراكسیۆنی پارتی لە پەرلەمانی كوردستان هۆشداری دەدات لە بارەی خۆپیشاندانەوە و دەڵێت"یەك بەردمان تێبگیرێت، ئەوا لە خۆپیشاندان دەرچووە و هەڵمەتی سرێنەوەیە".

ئاری هەرسین لە پەڕەی خۆی لە فەیسبوك نوسیویەتی"شتێكی سەیر نیە خەڵكی كوردستان لەم ساتە وەختەدا ناڵەی جودایی و بارگرانی بێ مووچەییان بگەیەننە گوێی سیاسەتمادارەكانی وڵاتەكەیان، لە ڕێی بەكارهێنانی ڕێوشوێنی مەدەنیەوە. هەر بۆیەش وەك پێشمەررگەو پارلەمانتار پشتیوانی تەواوی هاوڵاتیان دەكەم و، لەگەڵ موعاناتیاندا دەژیم".

ناوبراو باسی لەوەشكردووە، ئەوان وەك پارتی بەرپرسی كەموكورتی و بێ‌ موچەی نین لە ناوچەكانی سلێمانی و تاقانە بڕیاردەری حكومەتیش نین لە كوردستان.

ئەو پەرلەمانتارەی پاری لە بەشێكی تری نوسینەكەیدا دەڵێت"مافە دیموكراسیەكان و میتۆدە دیموكراسیەكان بەڵێ.... بەڵام هێرش كردنە سەر بارەگای حیزبەكەی بەندە بە تەنیاو، پاكشۆری و بە فریشتە دانانی ئەوانیتر بە موئامەرە و گەلەكۆمەكی دەچێتە بەر دیدی بیركردنەو. هەر بۆیەش یەك بەرد، دار، فیشەك یان تۆپەڵەگڕ بگیرێتە هەر بارەگایەكی پارتی، ئەوامانای ئەوەیە لە هەڵمەتی جەماوەری دەرچوە و، مەسەلە سڕینەوەی ئێمەیە. ئەوەش ( العملیە المستحیلە)".

قسەكانی ئاری هەرسین لەكاتێكدایە بڕیاری رۆژی سێ‌ شەممە 27 ئەم مانگە خۆپیشاندانی فراوان لە ناوچەكانی هەرێمی كوردستان بۆ داواكارییەكانی خەڵك و فەرمانبەران بەرێوەبچن.

24/09/2016
2160 جار بینراوە‌‌