ترسیان لەتوڕەیی خەڵك هەیە </br>حزبەكان هەوڵی كپكردنی ناڕەزایەتییەكانی 27ی مانگ دەدەن

ترسیان لەتوڕەیی خەڵك هەیە
حزبەكان هەوڵی كپكردنی ناڕەزایەتییەكانی 27ی مانگ دەدەن

ترسیان لەتوڕەیی خەڵك هەیە </br>حزبەكان  هەوڵی كپكردنی ناڕەزایەتییەكانی 27ی مانگ دەدەن

خەڵك- بەشی هەواڵ
ناڕەزایەتییەكانی خەڵك گەیشتۆتە لوتكە و حزبەكانیش لەڕێگەی دەستگیركردن و ڕێگریكردن لەگردبونەوە هەوڵی كپكردنی ناڕەزایەتییەكان دەدەن و گۆڕانیش بێدەنگە.

بەرەی خەڵك دامەزرا

لەهەفتەی ڕابردوودا بەرەی خەڵك لەشاری سلێمانی بەئامادەبوونی كۆمەڵێك لەچالاكوان و مامۆستا و فەرمانبەر و هاوڵاتی پێكهات و بڕیاریاندا 27ی ئەم مانگە بەهەماهەنگی لەگەڵ ناوچەكانی دیكەی كوردستان فشارێكی فراوان بخەنە سەر حكومەت بۆ باشتركردنی دۆخی خەڵك.

یەكێتی و گۆڕان
پێنج ئەندامی ئەو بەرەیە لەدوای كۆبونەوەیەكیان لەسنوری پێنجوێن دەستگیردەكرێن و دوای پێنج كاتژمێر ئازاددەكرێن و ئامێرەكانی پەیوەندیكردن و كۆمپیتەرەكانیان لێ دەستێنرێت.

ئەمڕۆش دوو ئەندامی بەرەی خەڵك لەلایەن هێزێكی ئەمنییەوە لەشاری سلێمانی دەستگیردەكرێن، پاش نزیكی چوار كاتژمێر ئازاددەكرێت.
هاوكات هەر ئەمڕۆ هێزە ئەمنییەكانی شاری سلێمانی ڕێگری لەكۆبونەوەیەكی ئاسایی ئەندامانی بەرەی خەڵك لەناو باخی گشتیدا دەكرێت.


هەموو ئەوانە لەكاتێكدا ڕوودەدەن قائیمقامی سلێمانی كە بەرپرسی ئەمنی شارەكەیە و سەر بەبزوتنەوەی گۆڕانە، هەیچ هەڵوێستێكی ڕوونی لەسەر دەستگیكردنی ئەو چالاكوانانەوە نەبووە، بەڕێوەبەری ئاسایش و وتەبێژی پۆلیسی سلێمانیش بێگایی خۆیان لەو ڕووداوانە دەربڕیوە.

پارتی
ئەمە لەكاتێكدایە پارتی دیموكراتی كوردستانیش سنورەكانی بەڕووی چالاكوانانی شاری سلێمانیدا داخست، بەشێوەیەك  چوار شەممەی ڕابردوو پێنج چالاكوانی شاری سلێمانی ڕێگرییان لێكرابوو بچە ناو شاری هەولێر، هەروەها ڕێگری لەگردبونەوەیەك كرابوو لەبەردەم پەرلەمانی كوردستان.
هەروەها هەڕەشەی دەست و قاچ بڕینەوە و كوشتن لەدوو چالاكوانی مەدەنی شاری هەولێر دەكرێت، لەئەگەری ئەنجامدانی چالاكی ناڕەزایی دژ بەحكومەت.


27ی مانگ چی ڕوودەدات
ئومێد محەمەد، ڕۆژنامەنوس و ئەندامی بەرەی خەڵك، بە(خەڵك)ی ڕاگەیاند، ئەو چالاكییەی لە27ی مانگ ئەنجامدەدرێت دوورە لەهەموو توندوتیژییەك و لەخزمەتی هەموو خەڵكی كوردستاندایە، بۆیە ناكرێت ئازاری خەڵك بدەین و لەزەرەری خەڵك بێت.
ئاماژەی بەوەشدا، بەدیاریكراوی دژ بەهیچ حزب و لایەنێك نین و ئەوەی پشتیوانییان دەكات  خەڵكە نەك حزب و لایەنێكی دیاریكراو.
باسی لەوەشكرد، هەوڵیانداوە لەمەسەلەی حزبایەتی دووربن بۆئەوەی هیچ حزبێك حەساسیەتی بەم مەسەلەیە نەبێت.

لەژێر مەترسیدان
هاوكات ئەندامێكی دیكەی بەرەی خەڵك بەناوی هەورامان نیعمەت بە(خەڵك)ی ڕاگەیاند، بڕیاربوو ئەمڕۆ لەباخی گشتی شاری سلێمانی كۆبونەوەیەكی ئاسایی بەرەی خەڵك ئەنجامدرێت، بەڵام لەلایەن هێزە ئەمنییەكانەوە ڕێگرییان لێكرا و لەو شوێنە كۆبونەوەكە ئەنجامنەدرا.
ئاماژەبەوەشدەكات، ئێستا گیانی ئەندامانی بەرەی خەڵك ‌و دەستەی مامۆستایانی ناڕازی لەمەترسیدایە، بۆی داوا لەهێزە ئەمنییەكان دەكەن ژیانی هەر 19 ئەندامەكەی بەرەی خەڵك و دەستەی مامۆستایانی ناڕازی و هاوڵاتیان بپارێزن.

24/09/2016
1764 جار بینراوە‌‌