لە سلێمانی دوو ئەندامی دەستەی ناڕەزایەتییەكانی خەڵك ڕفێنران

لە سلێمانی دوو ئەندامی دەستەی ناڕەزایەتییەكانی خەڵك ڕفێنران

لە سلێمانی دوو ئەندامی دەستەی ناڕەزایەتییەكانی خەڵك ڕفێنران


خەڵك- بەشی هەواڵ

كەمێك پێش ئێستا دوو ئەندامی دەستەی ناڕەزایەتییەكانی خەڵك لەلایەن هێزێكی دەمامكدارەوە لەشاری سلێمانی دەستگیركران.

ئاوات حەسەن ئەندامی دەستەی ناڕەزایەتییەكانی خەڵك، لەپەیامێكی دەنگیدا، كە بۆ (خەڵك)ی ناردووە، دەڵێت:" ئێستا بەڕێگاوە بووم بۆ كۆبونەوەیەك لەگەڵ هەڤاڵەكانم، بەڵام لەڕێگا ژمارەیەك چەكداری دەمامكدار خەریكە دەمڕفێنن". 
ئەو مامۆستایە، وتیشی:" لەبەردەم ڕادیۆ نەوا خەریكە دەمڕفێنن و ئۆتۆمبێلەكەم و منداڵەكانمیان بۆ شوێنێكی نادیار برد".

ئاماژەی بەوەشدا، ئەو چەكدارانە چەند ئۆتۆمبێلێكن و ئۆتۆمبێلێكی ئاسایشیان لەگەڵدایە".

هاوكات هەورامان نیعمەت ئەندامێكی دیكەی دەستەی ناڕەزایەتییەكانی خەڵك لەنوسینێكیدا ڕایدەگەیەنێت، پێش كەمێك لەلایەن هێزێكی‌ دەمامەكدارەوە هەردوو ئەندامی‌ بەرەی‌ خەڵك مامۆستا عادل حەسەن و ئاوات حەسەن دەستگیر كران.

ئەمە لەكاتێكدایە لەچەند ڕۆژی ڕابردوودا پێنج ئەندامی دەستەی ناڕەزایەتییەكانی خەڵك لەلایەن ئاسایشەوە لەپێنجوێن دەستگیردەكرێن و دوای نزیكی پێنج كاتژمێر ئازاددەكرێن.

24/09/2016
3723 جار بینراوە‌‌