بە ڤیدیۆ...دوای 36 ساڵ دایك و كوڕێكی خەڵكی شاری هەولێر بە یەك دەگەنەوە

بە ڤیدیۆ...دوای 36 ساڵ دایك و كوڕێكی خەڵكی شاری هەولێر بە یەك دەگەنەوە

بە ڤیدیۆ...دوای 36 ساڵ دایك و كوڕێكی خەڵكی شاری هەولێر بە یەك دەگەنەوە

خەڵك-سەعد مەلا عەبدوڵڵا گوڵپی

لە بەرنامەیەكی تەلەفزیۆنی ئێراندا: دایكێكی هەولێری پاش 36 ساڵ بە دیتنی كوڕەكەی شاد دەبێتەوە.

ئەڵقەی سێهەمی بەرنامەی مانگی هەنگوین لە كاتێكدا ڕاستەوخۆ لە كەناڵی سێی تەلەفزیۆنی فەرمی ئێران پەخش كرا چەندین كاتژمێر پێش دەستپێكردنی، میدیاكانی ئێران سەبارەت بە سەرنجڕاكێشی چیرۆكی ئەم ئەڵقەیە هەواڵ و ڕاپۆرتیان بڵاوكردبووە.

بەرنامەكە بە شێوازی ئاسایی خۆی دەستیپێكردو پاش بڵاوبوونەوەی كورتەیەك لە ئەڵقەی پێشوو، عەلیخانی پێشكەشكاری بەرنامەكە وێڕای ئاماژە بە پێشوازی خەڵك لەو ئەڵقەیە.

ئێحسان عەلیخانی بانگهێشتی ژن‌و مێردێكی كرد كە لەسەر كورسییەكانی مانگی هەنگوین دابنیشن، ئەم چیرۆكە، چیرۆكی گەیشتنی دایك و كوڕێكە پاش دابڕانێكی 36 ساڵە بەیەكدی.

بەڵام دایكی ئەم چیرۆكە، بەسەرهاتەكە وا دەگێڕێتەوە. لەو كات و ساتە دەڵێت كە لە عێراقەوە هاتووەتە ئێران و هاوڕێ لەگەڵ بنەماڵەكەی‌و لە مازیندەران لە تەمەنی 14 ساڵیی هاوسەرگیری دەكات‌و خودا كوڕێكی پێ دەبەخشێت بەناوی ئومێد. 

ئەڵبەت ئەم هاوسەرگیرییە ئەوەندەش بەردەوام نابێت و پاش تەمەنی دوو یان سێ ساڵەیی ئومێد، لە ئاكامی ناكۆكییەكی خێزانی لە هاوسەرەكەی جیا دەبێتەوە و ئومێدیش ڕادەستی بنەماڵەی باوكی دەكرێت و چیدی چاوپێكەوتنێك لە نێوان ئەم دایك و كوڕەدا نابێت. 

چیرۆكەكە لێرەدا دڵتەزێن دەبێت كە پاش تێپەڕبوونی دوو ساڵ بەسەر ئەم جیابوونەوە، دایكی ئاگادار دەكەنەوە كە ئومێد لە ڕووداوێكدا گیانی لەدەست داوە، بەڵام بەم حاڵەشەوە دایكی تا سێ ساڵ لەوێ دەمێنێتەوەو لە چاوەڕوانی بیستنی هەواڵێكی كوڕەكەیدا كات‌و ساتەكان بەسەر دەبات، بەڵام كە هەواڵێكی پێ ناگات، بێ هیوایی بەسەریدا زاڵ دەبێت‌و لە مازندەران بەرەو كرمان دەڕوات‌و لەوێدا لەگەڵ بنەماڵەی هاوسەری ئێستای ڕووبەڕوو دەبێت.

بنەماڵەیەك كە ئەڵبەت پێشتر لە هەولێر ژیاون، ڕووداوەكە وا بووە ئەم ئافرەتە لە كرمان ئاشناو دۆستی بنەماڵەكەی هەبووە كە دراوسێی هاوسەرەكی ئێستای بوون، پاش ماوەیەك ئەم دوو كەسە پێكەوە هاوسەرگیری دەكەن، لە كاتێكدا مێردەكەی ئێستای لە سەرەتاوە ئاگاداری هاوسەرگیری یەكەم‌و هەبوونی منداڵێكی بەناوی ئومێد نەبووە، پاشان سەرجەم هەوڵەكانی دەخاتەگەڕ تا بە هەر شێوازێك بووبێت هەواڵێكی ئومێد بزانێت، دەڵێی بەویان وتووە كە ئومێد زیندووەو لە شوێنێك درێژە بە ژیان دەدات.

هاوسەرەكەی چیرۆكی بەرنامەی مانگی هەنگوین ساڵی 1997 دەگەڕێنەوە عێراق و هەرێمی كوردستان و لەو ڕۆژانەدا بووە كە مێردەكەی وا هەست دەكات كە ئومێد زیندووە و بۆ دۆزینەوەی چەندین جار سەردانی ئێران و شارەكانی تاران، مازندەران و شوێنەكانی دیكەش دەكات و لە ئاكامدا بە ئامانجەكەی دەگات و ئەم هەواڵەش بە دایكی ئومێد دەدات و ئەڵبەت بە هەمان شێوە ئومێدیش لە هەبوونی دایكی ئاگادار دەكاتەوە. لەم ماوەدا كە ئەم دایك و كوڕە پاش 36 ساڵ هەواڵێكی یەكدییان پێ دەگات بەڵام هەل و مەرجەكە ڕێگای دیتنیان بۆ ناڕەخسێنێت.

لەم كاتەدا بوو كە ئومێد بە چاوی پڕ لە گریان و دەست و پێی لەرزۆك دێتە بەرنامەی مانگی هەنگوین و دەست و پێی دایكی ماچ دەكات و فرمێسكەكانی قارەمانێكی دیكەی ئەم چیرۆكە (هاوسەری دووەم) كە بۆ دۆزینەوەی ئومێد هەوڵێكی بێ وچانی داوە، دیمەنێكی شیرین و پیرۆزی خوڵقاند.

بەرنامەی مانگی هەنگوین لەو بەرنامانەیە كە كەناڵی سێی تەلەفزیۆنی ئێران هاوكات لەگەڵ هاتنی مانگی پیرۆزی ڕەمەزان بەشێوازی ڕاستەوخۆ پەخشی دەكات‌و لە ناوخۆی ئێران جەماوەرێكی زۆری هەیە.

10/06/2016
2256 جار بینراوە‌‌