ئۆباما دەسەڵاتی زیاتر بە لەشكری ئەمەریكا لە ئەفغانسـتان دەدات

ئۆباما دەسەڵاتی زیاتر بە لەشكری ئەمەریكا لە ئەفغانسـتان دەدات

ئۆباما دەسەڵاتی زیاتر بە لەشكری ئەمەریكا لە ئەفغانسـتان دەدات


خەڵك- بەشی هەواڵ

ئۆباما ڕەزامەندی دەربڕیوە لەسەر پـێدانی دەسەڵاتی زیاتر بە لەشكری ئەمەریكا لە پشـتیوانیكردنی هێزە ئەفغانیـیەكان، ئەوانەی شەڕی چەكدارانی تاڵیبان دەكەن.

ئاژانسی دەنگ‌وباسی ڕۆیتەرز ئەمڕۆ هەینی بڵاویكردەوە، كاربەدەسـتێـكی باڵای ئەمەریكا كە نەیویستووە ناوی ئاشكرابكرێت، وتویەتی بەپـێی ئەم بڕیارە دەتوانرێت زیاتر هێزی ئاسمانی ئەمەریكا بۆ ڕووبەڕووبوونەوەی یاخیبوان بەكاربهێنرێت.

هەروەها جەنەڕاڵ جۆن نیكلسن فەرماندەی هێزەكانی ئەمەریكا لە ئەفغانسـتان دەتوانێت كەی بە باشی بزانێت بڕیار بدات سەربازانی ئەمەریكایی یاوەری هێزە ئاسایـیەكانی ئەفغانسـتان لە شەڕەكاندا بكەن كە پـێشتر تەنیا یاوەری هێزە تایبەتەكانی ئەفغانسـتانیان دەكرد.

ئەم بڕیارەی ئۆباما پاش زیاتر لە سـاڵێـك دێت لەوەی ئەركی شەڕی هێزە نێودەڵەتیـیەكان لە ئەفغانسـتان كۆتایی‌پـێهات و هێزەكانی ئەفغانسـتان ئەم ئەركەیان لە ئەستۆگرت.

هەروەها پـێش بڕیارێـكی چاوەڕوانكراوی ئۆباما دێت بۆ كەمكردنەوەی ژمارەی سەربازانی ئەمەریكایی لە ئەفغانسـتان هەتا سـاڵی 2017 لە 9800 سەربازەوە بۆ 5500 .

هەفتەی ڕابردوو كۆمەڵێـك جەنەڕاڵی خانەنیشین و دیپـلۆماتی خاوەن ئەزمون پـێشـنیاریان بۆ ئۆباما كرد ژمارەی سەربازەكان لە ئەفغانسـتان كەم نەكاتەوە و ئاگایان دا لەوەی ئەم هەنگاوە ئەگەر بنرێت ڕەنگە كار لە شەڕی دژی تاڵیبان بكات.

10/06/2016
862 جار بینراوە‌‌