بەرهەمهێنانی چیمەنتۆ لە ئێران سەرسوڕهێنەرە

بەرهەمهێنانی چیمەنتۆ لە ئێران سەرسوڕهێنەرە

بەرهەمهێنانی چیمەنتۆ لە ئێران سەرسوڕهێنەرە


خەڵك- بەشی هەواڵ

ئامارەكانی هەناردەكاری بەشی چیمەنتۆ لە ئێران نیشانی دەدات كە ساڵی ڕابردوو وەبەرهێنانی ئەم بەشە نزیك لە 60 ملیۆن تەن بووە كە لەم ڕێژەیە، 18 ملیۆن و 92 هەزار و 438 تەن ڕەوانەی بازاڕەكانی دەرەوە كراوە كە لە سەدا 25ی ئەم وەبەرهێنانە پێك دێنێت. 
بە پێی ڕاپۆرتی جام كوردی بە گێڕانەوە لە بەشی ئابوری هەواڵدەری ئێرنا، ئێران لە ساڵی 2015 كەمتر لە %2ی وەبەرهێنانی جیهانی چیمەنتۆی هەبووە و ئەمەش لە كاتێكدایە كە وڵاتی چین بە 2 ملیار و 470 ملیۆن تەن زیاتر لە سەدا 55ی وەبەرهێنانی چیمەنتۆی جیهانی هەبووە.

ئامارەكانی ساڵی 2014 نیشانی داوە كە وڵاتی ئێران بە وەبەرهێنانی 70 ملیۆن تەن، پلەی چوارەمی جیهانی لە وەبەرهێنانی چیمەنتۆدا هەبووە، بەڵام لە ساڵی 2015 ئەم پێگەیە بۆ پلەی حەوتەمی جیهان دابەزیوە.

بە پێی ڕاپۆرتی ناوەندە فەرمییەكان لە ساڵی 2014، پێگەی ئێران لە وەبەرهێنانی چیمەنتۆ لە ئاسیا پلەی سێهەم و لە ناوچەی ڕۆژهەڵاتی ناوەڕاست لە پلەی یەكەم دایە.

كۆماری ئیسلامی ئێران لە ئێستادا بە هۆی دەوڵەمەدنی لە سەرچاوە سرووشتییەكانی ئەم بەشە، دەتوانێت زیاتر لە سەدا 80ی كەرەستە و پێداویستییەكانی لە ناوخۆی وڵات بەرهەم بێنێت.

ئامارە بڵاوكراوەكانی وڵاتی ئێران سەبارەت بە ڕەوتی هەناردەكاری چیمەنتۆ لە چوارچێوەی پلانی پێنجەمی گەشەی هەمەلایەنەی (ساڵی 1390 تا 1394ی هەتاوی) ئەوەی نیشان داوە كە ساڵی 1390 كۆی هەناردەكاری چیمەنتۆ 10 ملیۆن و 100 هەزار تەن بووە و لە ساڵی 1391 گەیشتووەتە 13 ملیۆن و 600 هەزار تەن واتە 2 ملیۆن و 500 هەزار تەن بەرزبوونەوەی هەبووە. ساڵی 1392 لە ئاستێكی بەرزدا ئەم ڕێژەیە گەیشتە 18 ملیۆن و 800 هەزار تەن و لە ساڵی 1393 ڕێژەیەكی 18 ملیۆن و 900 هەزار تەنی هەناردەی چیمەنتۆ تۆمار كراوە.

ساڵی 1394 بە هۆی هەل و مەرجی گەمارۆكان و گۆڕانكارییە نێودەوڵەتییەكان، ئاستی هەناردەكاری ئێران لە بەشی چیمەنتۆ دابەزی و گەیشتە ڕێژەیەكی 15 ملیۆن تەن.

ڕاپۆرتە فەرمییەكان ئاماژە بەوە دەدەن لە ساڵی 2015، عێراق لە سەدا 48ی ئامانجی هەناردەكاری چیمەنتۆی ئێران بووە و پاشان ناوی وڵاتانی ئەفغانستان، كوێت و قەتەر هاتووە.

بە پێی پلانەكانی وەزارەتی پیشەسازی و كانگاكانی ئێران، بڕیارە وەبەرهێنانی چیمەنتۆی ئێران بگاتە 90 ملیۆن تەن و لە ساڵی 1399ی هەتاوی بگاتە 100 و 120 ملیۆن تەن.

10/06/2016
1429 جار بینراوە‌‌